Aquí o mais destacable é a lareira, fermosa e acolledora, lugar primordial dun lar, onde no fulgor do lume os contos espertaban a curiosidade de tódolos presentes.
Un muíño de man recordaranos os costumes mais enxebres da moenda tradicional.
As máquinas de coser de costureiras, onde as horas pasaban dedicándose con gran tesón nas súas labores diarias.
O tear, onde se tecían sabas e colchas de liño ou saias e camisolas de lenzo que logo luciríanse nos días sinalados.
Un espazo de lecer, onde os xogos populares, como un elemento cultural máis, fainos imaxinar os momentos de divertimento e gozo daqueles nenos que foron os nosos devanceiros.
